კონფიდენციალურობის პოლიტიკა
ძალაშია 2026 წლის 28 ოქტომბრიდან. როგორ ვაგროვებთ, ვიყენებთ და ვიცავთ თქვენს პერსონალურ მონაცემებს.
თქვენი პერსონალური მონაცემების დამმუშავებელია Orte (შპს ორტე) - ონლაინ მარკეტფლეისი orte.ge და Orte-ს მობილური აპლიკაცია. ეს პოლიტიკა მომზადებულია „პერსონალურ მონაცემთა დაცვის შესახებ“ საქართველოს კანონის შესაბამისად და აღწერს, რა მონაცემებს ვაგროვებთ, რისთვის ვიყენებთ, ვის ვუზიარებთ და რა უფლებები გაქვთ.
კითხვებისა და მოთხოვნებისთვის: info@orte.ge, ტელ. +995 555 48 22 20.
- ანგარიში: ტელეფონის ნომერი (შესვლა SMS კოდით), სახელი და გვარი, ელფოსტა - თუ მიუთითებთ.
- მიწოდება: შენახული მისამართები - მიმღების სახელი, ტელეფონი, ქალაქი/სოფელი, მისამართი და შენიშვნა კურიერისთვის.
- შეკვეთები: შეძენილი პროდუქტები, თანხები, ფასდაკლებები და პრომოკოდები, მიწოდებისა და ფიქაპის სტატუსები, დაბრუნების მოთხოვნები, საგარანტიო ტალონები და მიმოწერა გამყიდველთან შეკვეთის ჩატში.
- გადახდა: ბარათით გადახდა სრულდება საქართველოს ბანკის დაცულ გვერდზე. Orte ბარათის სრულ ნომერს და CVV კოდს არ იღებს და არ ინახავს - ვინახავთ მხოლოდ ტრანზაქციის იდენტიფიკატორს, სტატუსს, გადახდის მეთოდს, ბარათის დაფარულ ნომერს (მაგ. 548888••••••9893), ტიპსა და მოქმედების ვადას. თუ ჩართავთ ბარათის დამახსოვრებას, ბანკი გვიბრუნებს ბარათის იდენტიფიკატორს (ტოკენს), რომლითაც შემდეგი გადახდა მხოლოდ თქვენი დადასტურებით სრულდება; შენახული ბარათის წაშლა ნებისმიერ დროს შეგიძლიათ პროფილიდან.
- თქვენი კონტენტი: შეფასებები და ფოტოები, რომლებსაც ტვირთავთ შეფასებაში, დაბრუნების მოთხოვნაში ან ჩატში.
- აქტივობა: რჩეულები, ფასის კლებისა და მარაგის შეტყობინებები, გამოწერილი მაღაზიები, კალათა, ნანახი პროდუქტები, Orte საფულე, ჯილდოები და ბორბლის დატრიალებები.
- ტექნიკური მონაცემები: IP მისამართი, მოწყობილობისა და ბრაუზერის ტიპი; აპლიკაციაში - push შეტყობინებების ტოკენი და პლატფორმა (iOS/Android); ვებსაიტზე - cookie ფაილები (იხ. მე-7 პუნქტი).
ზუსტ გეოლოკაციას, ტელეფონის კონტაქტებს და განსაკუთრებული კატეგორიის მონაცემებს არ ვაგროვებთ. აპლიკაცია ფოტოებზე წვდომას ითხოვს მხოლოდ მაშინ, როცა თავად ტვირთავთ სურათს.
გამყიდველად რეგისტრაციისას დამატებით ვამუშავებთ მაღაზიისა და ანგარიშსწორების მონაცემებს (საიდენტიფიკაციო კოდი, ანგარიშის ნომერი, ვერიფიკაციის დოკუმენტები) - ანგარიშსწორებისა და კანონის მოთხოვნების შესასრულებლად.
- ანგარიშის შექმნა და შესვლა, შეკვეთის გაფორმება, გადახდა, მიწოდება, დაბრუნება, საგარანტიო ტალონი და მხარდაჭერა - ხელშეკრულების შესრულება.
- შეტყობინებები შეკვეთის სტატუსზე (SMS, ელფოსტა, push) - ხელშეკრულების შესრულება.
- ფასის კლებისა და მარაგის შეტყობინებები, push შეტყობინებები, ბარათის დამახსოვრება - თქვენი თანხმობა, რომლის გამოხმობა ნებისმიერ დროს შეგიძლიათ.
- გათამაშებებში მონაწილეობა (ბილეთის ნომერი, ნაპოვნი ბილეთები, გამარჯვებულთან დაკავშირება ტელეფონით) - აქციის წესების შესრულება. აქციების შესახებ SMS მხოლოდ თქვენი თანხმობით.
- რეკლამის შედეგების გაზომვა და სარეკლამო აუდიტორიები Facebook-სა და Instagram-ზე (Meta Pixel, იხ. მე-7 პუნქტი) - ჩვენი კანონიერი ინტერესი.
- საგადასახადო და ბუღალტრული აღრიცხვა, მომხმარებელთა უფლებების დაცვა, სახელმწიფო ორგანოების კანონიერი მოთხოვნები - კანონით დაკისრებული ვალდებულება.
- ანგარიშის და გადახდების დაცვა, თაღლითობის პრევენცია, მოთხოვნების ლიმიტები, შეცდომების აღმოფხვრა და ვებსაიტის გამოყენების აგრეგირებული სტატისტიკა - ჩვენი კანონიერი ინტერესი.
თქვენს მონაცემებს არ ვყიდით. სარეკლამო მიზნით Meta-ს მხოლოდ საიტზე ქმედებების მონაცემები მიეწოდება (მე-7 პუნქტი); სახელს, ტელეფონს და მისამართს არ ვაწვდით. ავტომატიზებულ გადაწყვეტილებებს, რომლებიც თქვენზე სამართლებრივ გავლენას ახდენს, არ ვიღებთ.
ზოგიერთი მომწოდებლის სერვერი საქართველოს ფარგლებს გარეთ მდებარეობს. მონაცემებს ასეთ მომწოდებლებს ვაწვდით მხოლოდ იმ მოცულობით, რაც მომსახურებისთვისაა საჭირო, და მხოლოდ მათ, ვინც მონაცემთა დაცვის სათანადო გარანტიებს უზრუნველყოფს, საქართველოს კანონმდებლობის შესაბამისად.
- ანგარიშის მონაცემები - ანგარიშის წაშლამდე.
- შეკვეთები და გადახდის ჩანაწერები - საგადასახადო და ბუღალტრული კანონმდებლობით დადგენილი ვადით. ანგარიშის წაშლის შემდეგ ისინი ინახება ანონიმიზებულად: სახელი, ტელეფონი, ზუსტი მისამართი და შენიშვნა იშლება, რჩება პროდუქტები, თანხები, თარიღები და ქალაქი/რეგიონი.
- შესვლის კოდები ინახება მხოლოდ ჰეშირებული სახით და მოქმედებს 5 წუთი.
- push შეტყობინებების ტოკენი - აპლიკაციიდან გასვლამდე ან ანგარიშის წაშლამდე.
- ტექნიკური ჟურნალები - შეზღუდული ვადით, უსაფრთხოებისა და შეცდომების გამოსწორებისთვის.
კანონის შესაბამისად, შეგიძლიათ:
- მიიღოთ ინფორმაცია თქვენი მონაცემების დამუშავებაზე და მათი ასლი;
- შეასწოროთ ან განაახლოთ მონაცემები - სახელი და მისამართები პროფილიდანაც შეგიძლიათ შეცვალოთ;
- მოითხოვოთ მონაცემების წაშლა - ანგარიშის წაშლა შეგიძლიათ თავად, აპლიკაციიდან ან საიტიდან (როგორ წავშალო ანგარიში);
- მოითხოვოთ დამუშავების შეწყვეტა ან დაბლოკვა;
- გამოიხმოთ თანხმობა - push შეტყობინებები მოწყობილობის პარამეტრებიდან, ფასის შეტყობინებები რჩეულებიდან, შენახული ბარათი პროფილიდან;
- მიიღოთ მონაცემები გადატანისთვის მოსახერხებელი ფორმით, თუ ამას კანონი ითვალისწინებს;
- გაასაჩივროთ დამუშავება საქართველოს პერსონალურ მონაცემთა დაცვის სამსახურში (personaldata.ge).
მოთხოვნა გამოგვიგზავნეთ მისამართზე info@orte.ge ან დაგვირეკეთ. გიპასუხებთ კანონით დადგენილ ვადაში; შეიძლება დაგჭირდეთ ვინაობის დადასტურება (მაგ. ანგარიშის ნომერზე გამოგზავნილი კოდით).
ვიყენებთ დაშიფრულ კავშირს (HTTPS), წვდომის კონტროლს და უფლებების შეზღუდვას მონაცემთა ბაზის დონეზე, შესვლის კოდებს ვინახავთ ჰეშირებული სახით და ვზღუდავთ მცდელობების რაოდენობას. არცერთი სისტემა არ იძლევა სრულ გარანტიას; ინციდენტის შემთხვევაში ვიმოქმედებთ კანონის შესაბამისად და, საჭიროებისას, შეგატყობინებთ.
Orte განკუთვნილია 18 წელს მიღწეული პირებისთვის. ბავშვების მონაცემებს შეგნებულად არ ვაგროვებთ; თუ აღმოვაჩენთ, რომ ანგარიში არასრულწლოვანმა შექმნა მშობლის თანხმობის გარეშე, მის მონაცემებს წავშლით.
პოლიტიკის განახლებულ ვერსიას ვაქვეყნებთ ამ გვერდზე, ძალაში შესვლის თარიღით. არსებითი ცვლილებისას დამატებით შეგატყობინებთ საიტზე ან აპლიკაციაში.
ძალაშია 2026 წლის 28 ოქტომბრიდან.